Бир джели бла келир, бир гюрюлдеб, къаралыб, джашнаб дунияда болмагъанча бир ариулукъ бере кёкге, бырда акъырын, белляу айтханча…
Не тюрлю этиб келсе да, келирин аллына къараб сакълайма, артыкъсызда къыш айладан сора. Биринчи джазгъы джангурчукъ…
Ара шахарыбызны кенг, джаяу джюрюген джолларында, салкъынлыкъны да алыб къолума, бир тюрлю бир ариу халгъа кириб эсим, сагъышла бла айланама.
Кёкге къараб, булутла джукъарыб къаладыла деб коркъа- «энтда, энтда» деб шыбырдайма.
Сагъышларыма, муратларыма джангур да эжиу эте, саулай джашаум эсиме тюше, сезе, бир джюрек джырыма къошула, мурулдай, шахаргъа сингеме.
Джангур да кесини ишин эте, мени сагъышларыма заман бере, «керил» дейди джюрек джырым.. Кючю къалай уллуду..
Сеннге кесими тургъанымча бериб, башымы ёрге келтюрюб бетими джылы джангурчукъгъа береме. Джангурчукъ да ахыр тамчылары бла бетими джылы сылайды. Джангур бошалыргъа энтда табигъатны бир сейир шартын сынайма…
Джер суууб, джылы тютюнюн шахаргъа тёгеди.. Хауа да, шахарда бирден джуунуб, кирсиз хауаны таурухдача эркин солуй, шахарчыла орамгъа тёгюлгендиле. Татлы тюшле кёрюб, чукъуудан уянгъан адамча, эс джыйыб къарасам, заман да кечени арасы болуб, кесимда ара шахарыбызны ортасында, Къызыл Майданнга джетиб тура эдим.
Кели заманнга дери, багъалы окъуучум…