Бу сёзню магъанасы къалай бек уллуду!
Джерни юсюн аманлыкъ бла игиликге, тюзлюк бла терсликге юлешсенг, ол барысы да бир бири ичинде кёрюнеди. Мени сартын ол бары да бир магъананы тутады.. Ийнанмакълыкъ..
Джашауну узакъ джол бла тенглешдиредиле… Мен ангылагъан, ол тюздю, алай а, джол кёб къыйынлыкъгъа, къууанчха да тюбетеди… Аны барын да кёре, кёлтюре, андан не тюрлю адам болуб чыкъгъанынгды сейирлик. Юренелдингми башхаланы ангыларгъа.. Огъесе.. джол тере джанына бурубму ийди..?
Бир Уллу Аллахды болушурукъ, аманлыкъдан къутхарлыкъ.. Ийнанмакълыкъ.. Бу сагъышла келе башлагъан эселе, аны аты «акъыл балыкъ бола башлагъан» болур…
Алайды да, ол узакъ джол хар бирибизге да сынаб бериледи… Кесинги къолунгдады къайсы джанына джолну тутарынг… Аманлыкъ, игиликни джолдан тюртерге, сындырыргъа да кюрешеди.. Ийнанмакълыкъ..
Сыйлы Аллахыбызны болушлугъуна ийнана, игилик хорлар деб, ышана, джол узакъ болса да базама…