О, всехвальная мученица святая угодница Божия благоверная княгиня Иулиание. Ты супружеския ради чистоты душу свою положила еси, и за целомудрие даже до крови подвизалась еси и сего ради аще и жена была еси обаче к лику праведных дев сопричтена быти сподобилася еси. К тебе велие дерзновение ко Владыце стяжавшей смирене притекаем и умильно просим тя: подаждь нам отраду и свобождение от плотския брани, житие целомудренное и благочестное в супружестве девстве пребывание, се бо страстями плотскими обуреваемся, и грехов многих пучина объяла есть ны. Тем же и несть мы достойны ниже взирати на высоту Небесную, на Господа в помощь свою призывати. Буди нам помощница во спасение скорая и от зол и обстояний избавительница неодолимая. Всех с верою несумненною к Богу приходящих и молитвенно к тебе притекающих от всяких бед душевных и телесных свободи, скорбящия обрадуй, труждающимся помози, плачущим утеши, изнемогающия поддержи, напатствуемым буди заступница, вдовицам и сирым защитница, младенцам питательница. Помози нам да не погибнем со страстьми и похотьми нашими, но да управим живот наш во всяком благочестии и чистоте, яко да соделаем телеса наша Храм живущаго в нас Духа Святаго и прославим благодать и милость Триединаго Бога во веки веков. Аминь.
ТРОПАРЬ
глас 2.
Благочестно в законе поживши, и благими делы украсившися, яко крепкии адамант явися, целомудренная святая благоверная княгиня Иулиание тленную славу и добротство телесное презревши, локозненного врага победила еси целомудрия ради мученическую смерть прияла еси, сего ради от Христа Бога нетленным и вечным венцем венчався ныне с лики мученик ликуешим нам велия чудеса,приходящим ко гробу твоему, обильно источаеши. Тем же ти вопием молился Христу Богу о всех нас верою и любовию страдания твоя почитающих.