МАНИВАЛ КТРУ ГАФНУ ЖВУВ МИЧ1АЛ АП1УРУ
(ихтилат)
– Я биц1ир! – рихшандвал кадиси гъапи…
– Гьай, аьхюр! – гьациб жюрейиинди жавабра гъабхьи…
…
– Сарун йиз мугъаз к1уруб имдариз! Мициб жаваб туврурик узхьан ктукьуз хьибдар!
– Йип, йип, фу пуз ккунди айвуз, мялим?
– Сарун фук1ара…
– Лиг, узу зиълан биц1ир ву к1ури, айт1ан увут1ан аьхюр вуш аьгъяйвуз?!
– Гьаци вуйиб дишла аьгъю гъабхьунзуз, гьаддиз имбубт1ан артухъ биябур хьайиз ккебехъунза…
– Яв жавабнура, мялим, узу йиз йишвахь дитунва… Хъанара, биц1ир биц1иди ужу ву, аьхюр – аьхюди...
***
– Я биц1ир! – ккунивал ади гъапи…
– Гьай, мялим! – ккунивал кади жавабра гъабхьи…
…