...ў старонцы роднай я памiраць буду…
I абдымаць буду свае надзеi, мары…
I на сваiх сцiплых жыцця абшарах
Я дакранацца буду…незаўважна, на развiтанне,
Да кожнай выспачкi той дабрынi, што мне пакiнулi
Далёкiя, блiзкiя, тутэйшыя, вiртуальныя…
Але хiба гэта iстотна, якiя… проста СЯБРЫ…
Так, проста СЯБРЫ…
I сцiшуся на iмгненне… ад цеплынi,
Ад пацалункаў на маiх далонях…
Хаця, насамрэч, iх не было ў маiм жыццi…
Сапраўдных, але… а яшчэ я забяру з сабой песню,
Што тым летам мая дачка заспявала…
Такая простая песенка, i простыя словы,
Пра аксамiтны летнi вечар, што ахiнуў зямлю…
Вось толькi было лета тое, ведаеш, зусiм лiхое,
Як i гэтае лета, так …як i гэтае лета….
Што лунае над намi ўсiмi, па-над Сусветам….
Лiхое, чорнае лета, але…
Але, ведаеш, яно ж няма для мяне некай IНШАЙ,
Шчаслiвай планеты, таму...таму так i будзе..
У старонцы роднай я памiраць буду…
http://www.youtube.com/watch?v=rbtb2Nz1BwU